शिक्षण महर्षी शामराव गदळे यांची पुण्यतिथी;
मोफत आरोग्य शिबिर व इंदुरीकर यांचे कीर्तन
बीड दि.29 (प्रतिनिधी):
केस तालुक्यातील दहिफळ (व.) येथील वडमाऊली विद्या प्रसारक मंडळाचे संस्थापक शिक्षण महर्षी शामराव गदळे गुरुजी व बाळूताई गदळे यांच्या पुण्यतिथी निमित्ताने दिनांक 2 नोव्हेंबर रोजी विविध सामाजिक धार्मिक कार्यक्रमाचे आयोजन करण्यात आले आहे.
दिनांक 2 नोव्हेंबर रोजी सकाळी 8.00 ते 10.00 रक्तदान शिबिर, 10.00 ते 1.00 दरम्यान मोफत आरोग्य तपासणी शिबिर आयोजित करण्यात आले आहे. या शिबिरात जिल्हा शल्य चिकित्सक अशोक थोरात, जिल्हा आरोग्य अधिकारी उल्हास गंडाळ यांच्यासह डॉ. बालासाहेब कराड, डॉ. अनंत मुळे, डॉ. अमोल गीते डॉ. गणेश देशमुख डॉ.सुरेश ठोंबरे, डॉ.रामप्रभू तिडके, डॉ. रोहन गायकवाड, डॉ. लक्ष्मण वारे, डॉ. चंद्रकांत तोंडे, डॉ. प्रतीक्षा बावरे, डॉ. गंगाराम डोंगरे, डॉ. शालिनी कराड, डॉ.शशिकांत दहिफळकर उपस्थित राहणार आहेत.सायंकाळी ह.भ.प. निवृत्ती महाराज इंदुरीकर यांच्या कीर्तनाचे आयोजन करण्यात आले आहे. कार्यक्रमाचा लाभ बहुसंख्येने उपस्थित राहण्याचे आवाहन सखाहरी गदळे, डॉ. शशिकांत दहिफळकर, शरद शामराव गदळे व डॉ. शालिनी कराड यांनी केले आहे.