बीड जिल्हा रुग्णालयात रक्ताचा तुटवडा;
रक्तदात्यांना रक्तदान करण्याचे आवाहन
बीड दि.27 (प्रतिनिधी):
जिल्हा रुग्णालयातील वाढती ऋण संख्या पाहता. दररोज अडीच ते तीन हजार रुग्ण उपचारासाठी दवाखान्यात येत आहे जिल्हा रुग्णालयात मोठ्या प्रमाणावर शस्त्रक्रिया ही दैनंदिन होत आहेत. आपत्कालीन अपघात विभाग, शस्त्रक्रिया विभाग,त्याचबरोबर जिल्हाभरातून हेमोफिलिया, थैलेसिनियाचे काही बाल रुग्ण सुद्धा आहेत त्यांना आठवड्याला पंधरा दिवसाला रक्त द्यावेच लागते. त्यामुळे जिल्हा रुग्णालयात दिवसा काठी 40 ते 45 रक्त बॅग पुरवठा रुग्णांना केला जातो.
सध्य स्थितीत बीड जिल्हा रुग्णालयात रक्तपुरवठा विभागात कोणत्याच गटाचे रक्त शिल्लक नाही. त्यामुळे मोठा तुटवडा सध्या पाहायला मिळत आहे . जिल्हाभरातील रक्तदात्यांनी पुढे यावं आणि रक्तदान करावे, असे आवाहन जिल्हा रुग्णालय प्रशासनाच्या वतीने जिल्हाशल्य चिकित्सक डॉ. अशोक थोरात यांनी केले आहे.