डॉ. पाखरे यांचे निधन!
बीड – शहरातील प्रतिष्ठित आणि यशस्वी नेत्रतज्ज्ञ डॉ. के. डी. पाखरे यांचे हृदयविकाराच्या झटक्याने प्रयागराज येथे आकस्मिक निधन झाले. आपल्या काही मित्रांसह दौऱ्यावर असताना ही दुर्दैवी घटना घडली. जेष्ठ सामाजिक कार्यकर्त्या आणि बीडमधील एक प्रभावशाली व्यक्तिमत्त्व प्रा. सुशीलाताई मोराळे यांचे ते पती होते.
डॉ. के. डी. पाखरे हे बीड शहर आणि जिल्ह्यात त्यांच्या नेत्रचिकित्सा कौशल्यासाठी प्रसिद्ध होते. प्रयागराज येथे दौऱ्यावर असताना त्यांना अचानक हृदयविकाराचा झटका आला, आणि उपचार सुरू होण्याआधीच त्यांनी अखेरचा श्वास घेतला.
गेल्या तीन ते चार दशकांपासून प्रा. सुशीलाताई मोराळे यांनी सामाजिक चळवळीत दिलेले योगदान उल्लेखनीय आहे. त्यांच्या परिवारात पत्नी सुशीलाताई, दोन मुले, असा कुटुंब आहे.
डॉ. पाखरे यांचे निधन हे वैद्यकीय व सामाजिक क्षेत्रासाठी मोठा धक्का आहे.