Beed Video : बीडच्या शिरूर तालुक्यातील बावी गावात अमानुष मारहाणीचा एक थरारक व्हिडीओ समोर आला आहे. एका व्यक्तीला निर्घृण मारहाण करतानाचा हा व्हिडीओ आहे. या प्रकरणात अद्याप शिरूर पोलीस ठाण्यात गुन्हा दाखल करण्यात आलेला नाही.
बीड : मस्साजोग गावचे सरपंच संतोष देशमुख यांची किती निर्घृणपणे हत्या करण्यात आली त्याचे फोटो समोर आल्यानंतर राज्यभरात खळबळ उडाली आहे. विशेष म्हणजे या घटनेमुळे संबंध महाराष्ट्र सुन्न पडलेला असताना जालना जिल्ह्यातील भोकरदन येथे एका व्यक्तीला गरम लोखंडी रॉडचे अमानुषपणे चटके देण्यात आल्याची घटना समोर आली. या घटनेचा व्हिडीओही सोशल मीडियावर व्हायरल होत आहे. या घटनेवरही संताप व्यक्त केला जात आहे. या दोन घटनांवरुन संताप व्यक्त केला जात असताना आता बीडच्या शिरुर तालुक्यातील आणखी एक संतापजनक घटना समोर येत आहे. एका व्यक्तीला दोन ते तीन जण पकडतात आणि एक व्यक्ती बॅटने अतिशय अमानुषपणे मारहाण करते. या घटनेचा व्हिडीओदेखील समोर आला आहे. हा व्हिडीओ पाहिल्यानंतर महाराष्ट्र कुठल्या दिशेला जातोय? असा प्रश्न आता सर्वसामान्य नागरिकांना सतावतोय.
बीडच्या शिरूर तालुक्यातील बावी गावात अमानुष मारहाणीचा एक थरारक व्हिडीओ समोर आला आहे. एका व्यक्तीला निर्घृणपणे मारहाण करतानाचा हा व्हिडीओ आहे. या प्रकरणात अद्याप शिरूर पोलीस ठाण्यात गुन्हा दाखल करण्यात आलेला नाही. तसेच मारहाण झालेल्या व्यक्तीचे नावही समोर आलेले नाही. मात्र या मारहाणीचा व्हिडीओ सुन्न करणारा आहे.