बीड दि.30 (प्रतिनिधी):
अहिल्यानगर जिल्ह्यातील पाथर्डी तालुक्यातील श्रीक्षेत्र भगवानगड येथे महाराष्ट्र राज्याचे अन्न नागरी पुरवठा व ग्राहक संरक्षण मंत्री ना. धनंजय मुंडे यांनी गुरुवार दिनांक ३० रोजी श्रीक्षेत्र भगवानगड येथे रात्री ८:३० वाजता आगमन झाले. त्यांनी त्यांच्या नियोजित दौऱ्यामध्ये भगवान गडावरती रात्रीचा मुक्काम भगवानगडावर करणार असे दौऱ्यामध्ये सांगितले. गडावर आगमन झाल्यानंतर प्रथम त्यांनी श्रीसंत भगवानबाबांच्या समाधीचे दर्शन घेतले. त्यानंतर ते न्यायाचार्य डॉ. नामदेव महाराज शास्त्री यांच्या दर्शनासाठी गेले. डॉ.नामदेव महाराज शास्त्री सोबत त्यांनी भोजन केले. त्यानंतर श्रीसंत ज्ञानेश्वर माऊलीच्या सुरू असलेल्या मंदिराच्या कामाविषयी शास्त्रीजी व मुंडे यांच्यामध्ये चर्चा झाली. सकाळी 10.00 वाजेपर्यंत भगवानगडावर असणार आहेत. शुक्रवारी ते ज्ञानेश्वर माऊलीच्या सुरू असलेल्या मंदिर बांधकामाचे देखील पाहणी करणार आहेत. त्यानंतर ते १० वाजल्यानंतर भगवानगडावरून मोटारीने परळी वैजीनाथ जि. बीड कडे प्रयाण करणार आहेत.