आरोग्य केंद्रातील अधिकारी, कर्मचाऱ्यांचे मनमानी; रुग्णाचे हाल
चकलांबा येथेऔषधे आणि गोळ्या फेकल्या उघड्यावर
बीड दि.22 (प्रतिनिधी):
बीड जिल्ह्यातील चकलांबा हे सरहद्दीवरील गाव. बीडपासून लांब असल्याने येथील अधिकारी आणि कर्मचारी मनमानी करत असल्याचे दिसून आले आहे. चकलांबा येथील प्राथमिक आरोग्य केंद्रातील औषधी आणि गोळ्या रुग्णालयाच्या परिसरात उघड्यावर फेकल्यामुळे येथील अंदाधुंदी कारभार चव्हाट्यावर आला आहे.
या संदर्भातील माहिती अशी की गेवराई तालुक्यातील चकलांबा येथील प्राथमिक आरोग्य केंद्राच्या परिसरात गेल्या एक वर्षांपूर्वी औषधी आणि गोळ्या बाहेर फेकून दिल्यामुळे सदर दवाखाना मोठा चर्चेत आला होता. गुरा दिनांक 22 जानेवारी 2020 रोजी चकलांबा प्रतिमा आरोग्य केंद्राच्या परिसरात पुन्हा एकदा गोळ्या आणि औषधे उघड्यावर टाकल्याचा प्रकार उघडकीस आला आहे. सदर गोळ्याने औषधी एक्सपायरी आहेत किंवा कशा याबाबत माहिती समोर आलेली नाही.
गेवराई तालुक्यातील चकलांबा येथील प्राथमिक आरोग्य केंद्र हे वाऱ्यावर असून या ठिकाणी पदाचा पदाचा अधिकृत वैद्यकीय अधिकारी नाही. कंत्राटी पद्धतीने असलेल्या सीएचओ रुग्ण तपासणी करत आहेत.
*आरोग्य कर्मचाऱ्यांची मनमानी*
चकलांबा येथील प्राथमिक आरोग्य केंद्रातील काही कर्मचारी ही कधीच वेळेवर येत नाहीत. ‘ कभी भी आओ जाओ घर तुम्हारा’ या हिंदी मनी प्रमाणे मनमानी पद्धतीने कर्मचारी आरोग्य केंद्रात उपस्थित राहतात. वेळेवर कोणीच उपस्थित राहत नाही. पदाचे वैद्यकीय अधिकारी नसल्यामुळे खालचे कर्मचारी उशिराने रुग्णालयात येतात. कर्मचारी उपस्थित नसल्यामुळे अनेक रुग्णांना उपचार अभावी ताटकळत बसावे लागते.
*तालुका आरोग्य अधिकाऱ्याचे दुर्लक्ष*
गेवराई तालुक्यातील प्राथमिक आरोग्य केंद्रातील रुग्णाची हेळसांड होत असून यासंदर्भात अनेकदा तक्रारी करण्यात आले आहेत मात्र गेवराई तालुक्याचे आरोग्य अधिकारी हे भेटी देत नसल्यामुळे आणि त्यांचे नियंत्रण असल्यामुळे आरोग्य केंद्राचा कारभार ढेपाळला आहे. वरिष्ठ अधिकाऱ्यांच्या नियंत्रण अभावी रुग्णांना रुग्णसेवा मिळत नसल्याचे दिसून आले आहे.