बीड दि.16 (प्रतिनिधी):
लाखो लोकांच्या अब्जावधी रुपयांवर डल्ला मारून गेल्या वर्ष दीड वर्षापासून फरार असलेल्या कुटे ग्रुपच्या प्रमुख आणि ज्ञानराधा मल्टीस्टेट च्या प्रकरणातील आरोपी मुख्य अर्चना कुटे आणि अन्य एका महिलेस पुणे येथे सीआयडी पोलिसांनी अटक केल्याची माहिती खात्रीलायक सूत्रांनी दिली आहे.
ऑक्टोबर 2023 मध्ये कुटे ग्रुपच्या सर्वच समूहांवर इन्कम टॅक्स विभागाच्या वतीने छापा घालण्यात आला होता. मोठ्या प्रमाणात इन्कम टॅक्स चोरी केल्याचे उघडकीस आल्यानंतर कुटे यांची सर्व संस्था, कार्यालये सील करण्यात आली होती.
‘ द कुटे ग्रुप’ वर इन्कम टॅक्स विभागाकडून कारवाई झाल्यानंतर त्याचा परिणाम ज्ञानराधा मल्टीस्टेटच्या व्यवहारावर झाला. मोठ्या प्रमाणात ज्ञानराधा’मध्ये ठेवी ठेवलेल्या ठेवीदारांना पैसे मिळण्यास अडचणी येऊ लागल्या. ‘ पॅनिक होऊ नका, शांततेने घ्या’ आपल्याला लोन मंजूर झाले आहे, अशा मोठ्या बाता मारणारे व्हिडिओ कुटे यांच्या वतीने माध्यमातुन मधून प्रसारीतही करण्यात आले. परंतु ठेवीदारांना छदामही मिळाला नाही
अखेर सुरेश कुटे,अर्चना कुटे, आशिष पाटोदकर, यशवंत कुलकर्णी यांच्यासहित संचालक मंडळ व कर्मचाऱ्यांवर बीड, संभाजीनगर जालना, लातूर, धाराशिव, पुणे आदी विविध ठिकाणी गुन्हे दाखल झाले. जून 2024 मध्ये सुरेश कुटे आणि आशिष पाटोदकर यांना पोलिसांनी अटक केली. त्यांच्यासोबत सर्वासह अर्चना कुटे पोलिस अधीक्षक कार्यालयात आल्या होत्या. परंतु अर्चना कुटेला चहा- पाणी करून परत पाठवले होते.
एवढ्या उशिराने अर्चना कुटेला अटक झाल्यानंतर आता पोलीस पुढील कारवाई कसा पद्धतीने करतात. तसेच लोकप्रतिनिधींनी ठेवीदारांना आस्वासीत केल्याप्रमाणे कार्यवाही होते का? हे पाहावे लागेल.
पोलिसांच्या आशीर्वादावर तब्बल वर्षभर पुणे मुंबई महाबळेश्वर अशा ठिकाणी ऐश करत फिरणाऱ्या अर्चना कुठे यांना अखेर पोलिसांनी पुणे शहरातील पाषाण रोड भागातून अटक केली आहे त्यांच्यासोबत आशिष पाटोतकर च्या आईला देखील पोलिसांनी अटक केली आहे.