बीड, दि. ८ (प्रतिनिधी) – बीड शहरातील इस्लामपुरा इदगाह परिसरात आज सकाळी एक दुर्दैवी घटना घडली. चौथ्या मजल्यावरून खाली पडल्यामुळे गंभीर जखमी झालेल्या बांधकाम मजुराचा मृत्यू झाला.
मोहम्मदीया कॉलनीतील उमर शाहेद शेख (वय २०) हा बांधकाम मजुर काम करत असताना चौथ्या मजल्यावरून खाली पडला. या घटनेनंतर गंभीररित्या जखमी झालेल्या उमरला तात्काळ जिल्हा सामान्य रुग्णालयात (बीड सिव्हिल हॉस्पिटल) उपचारासाठी दाखल करण्यात आले. मात्र उपचार सुरू असतानाच त्याचा दुर्दैवी मृत्यू झाला.
उमर शेख रोजाच्या (उपवास) अवस्थेत होता. उपवास करत असतानाच त्याचा मृत्यू झाल्याने परिसरात हळहळ व्यक्त होत आहे. या हृदयद्रावक घटनेने परिसरातील नागरिकांनी शोक व्यक्त केला आहे.