खंडणी प्रकरणाबाबात वाल्मिक कराड यांना आज बीडच्या केज न्यायालयात हजर करण्यात आलं होतं. यावेळी केज न्यायालयानं महत्वपूर्ण निर्णय दिला आहे. वाल्मिक कराडवर मकोका लावला आहे. कराडला 14 दिवसांची न्यायालयीन कोठडी देण्यात आली आहे.
वाल्मिक कराड यांच्या पोलीस कोठडीची मुदत आज संपली आहे. आज केज न्यायालयात झालेल्या सुनावणीच्या वेळी तपास अधिकारी अनिल गुजर यांनी वाल्मिक कराडच्या दहा दिवसाच्या पोलीस कस्टडीची मागणी केली आहे.
तपास अधिकारी गुजर यांनी सांगितले की, व्हाईस सॅम्पल घेण्यात आले आहे आणि वाल्मिक कराड यांचे तीन मोबाईल जप्त करण्यात आले आहेत. तपास अधिकारी गुजर यांनी असेही स्पष्ट केले की, संपत्ती कोणत्या गुन्ह्यातून कमावली आहे का हे तपासण्यासाठी पीसीआर हवा आहे.
याचबरोबर, भारतात अथवा भारताबाहेर काही संपत्ती आहे का, याचा तपास करण्याची गरज आहे. या कारणांमुळे वाल्मिक कराडची दहा दिवसाची पोलीस कस्टडी मागण्यात आलेली आहे.