बीड जिल्ह्यातील परळी तालुक्यातील अस्वलंबा येथे एक धक्कादायक घटना घडली आहे. ऊसतोड मजूर विकास बाळासाहेब जोगदंड (वय २८) यांना त्यांच्याच गावच्या मुकादम श्रीकृष्ण विठ्ठल ढाकणे (वय ४७) यांनी झोपेत असताना डोक्यात दगड घालून खून (murder) केला आहे. घटप्रभा पोलिसांच्या (Ghata Prabha Police) माहितीनुसार, ढाकणे हा आजारी असल्याने विकास जोगदंड यांनी त्याला उपचारासाठी दवाखान्यात (hospital) आणले होते. दवाखान्यात दाखल केल्यानंतर जोगदंड दवाखान्याबाहेर उभारलेल्या मूर्ती जवळ रात्री साडेअकराच्या सुमारास झोपला होता.
श्रीकृष्ण ढाकणे हा दवाखान्याबाहेर आला आणि काही कळायच्या आत विकास जोगदंड यांच्या डोक्यात 40 किलोपेक्षा मोठा दगड (stone) घातला. त्यानंतर तोंड आणि डोक्यावर वार (attack) केले. हे पाहून दवाखान्याच्या सुरक्षा रक्षकाने ढाकणे याला ताब्यात घेतले आणि घटप्रभा पोलिसांना कळवले. ढाकणे याला पोलिसांच्या ताब्यात दिले. मृताचे वडील बालासाहेब मारुती जोगदंड यांनी घटप्रभा पोलिसांत फिर्याद (complaint) दिली आहे. पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास (investigation) करत आहेत.