परळी पोलिसांनी अवघ्या काही तासात घेतला शोध
(25 May)- परळी शहरातील वैद्यनाथ मंदिर परिसरात भीक मागणाऱ्या एका भिकाऱ्याचे 1 लाख 72 हजारांची चोरी गेलेली रक्कम परळी पोलिसांनी अवघ्या काही तासात मिळवून दिलीय. बाबुराव नाईकवाडे हे मागील अनेक वर्षांपासून वैद्यनाथ मंदिर परिसरात भीक मागून आपला उदरनिर्वाह करतायत. मात्र कोरोना मुळे मंदिर बंद असल्याने अनेक भिकाऱ्यांवर उपासमारीची वेळ आली आहे.
यात आयुष्यभर पै पै जमा केलेली रक्कम पाळतीवर असलेल्या चोरट्याने लंपास केली. त्यामुळे नाईकवाडे चिंताग्रस्त झाले, अशातच परळी पोलीस नाईकवाडेंच्या मदतीला धावून आले, आणि त्यांनी नाईकवाडे यांची रक्कम अवघ्या काही तासातच त्यांना मिळवून दिलीय. एकीकडे कोरोनाचं संकट असल्यानं अनेकांच्या नोकऱ्या गेल्यात या परिस्थितीत एका भिकाऱ्याकडे मात्र मोठी रक्कम मिळून आल्यानं आश्चर्य व्यक्त केलं जातंय.