अंबाजोगाई तालुक्यातील राजेवाडी येथील घटना
बीड जिल्ह्यातील अंबाजोगाई तालुक्यातील राजेवाडी येथील 24 वर्षीय तरुण प्रवीण सुधाकर काचगुंडे आणि 18 वर्षीय अनिता शेषेराव राठोड तरुणीने लिंबाच्या झाडाला गळफास घेऊन आत्महत्या केल्याची घटना बुधवारी 19 मे रोजी दुपारच्या सुमारास उघडकीस आली. या घटनेने सर्वत्र खळबळ उडाली आहे. या दोघांनी प्रेमप्रकरणातून आत्महत्या केल्याचा संशय व्यक्त केला जात आहे.
अनिता आणि प्रवीण हे दोघेही बुधवारी पहाटे तीन वाजताच्या सुमारास आपापल्या घरातून बाहेर पडले होते. त्यानंतर त्यांनी सकाळी अंदाजे 11 जेवाडी शिवारातील गायरानाच्या उतारावरील लिंबाच्या झाडाला ओढणीच्या साह्याने गळफास घेतला. सायंकाळी 4 वाजताच्या सुमारास ग्रामस्थांच्या ही घटना लक्षात आल्यानंतर त्यांनी अंबाजोगाई ग्रामीण पोलिसांना त्याबाबत माहिती दिली. ग्रामीण ठाण्याचे पोलीस निरिक्षक महादेव राऊत, उपनिरिक्षक केंद्रे, बीट अंमलदार गुट्टे यांनी तत्काळ घटनास्थळी धाव घेतली. पंचनामा करून दोन्ही मृतदेह शवविच्छेदनासाठी स्वाराती रुग्णालयात पाठविण्यात आले.