वै.वामनभाऊंचा बोरगावी पुण्यतिथी सोहळा
न्यायाचार्य नामदेव शास्त्रींचे काल्याचे कीर्तन
बीड दि.3 (प्रतिनिधी): श्रीसंत वामनभाऊ- भगवानबाबा पुण्यतिथी सोहळ्याच्या निमित्ताने शिरूर कासार तालुक्यातील बोरगाव चकला येथे संत वामनभाऊ महाराज प्रतिष्ठानच्या वतीने प्रति वर्षाप्रमाणे याही वर्षी ज्ञानेश्वरी पारायण सोहळा, श्रीम्द भागवत कथा सोहळा आणि कीर्तन महोत्सवाचे आयोजन करण्यात आले.
ह.भ.प. धोंडीराम महाराज यांच्या आशिर्वादाने, महंत विठ्ठल महाराज, गहिनानाथगडकर, न्यायाचार्य ह.भ.प.नामदेव महाराज शास्त्री, भगवानगडकर यांच्या अध्यक्षतेखाली पुण्यतिथी सोहळ्याचे आयोजन करण्यात आले आहे. भागवताचार्य ह.भ.प. काशीनाथ महाराज टोपे, शास्त्री यांच्या कथा आयोजित केली आहे.
दि.28 जानेवारी 2021 पासून नामांकित कीर्तनकाराचे कार्यक्रम संपन्न झाले. गुरूवार दिनांक 4 फेब्रुवारी रोजी ह.भ.प. अमृत महाराज जोशी, श्रीक्षेत्र नवगण राजुरी, यांचे कीर्तन होणार आहे.
दि.5 फेब्रवारी 2021 रोजी दुपारी 12 ते 2.00 या वेळात महंत न्यायाचार्य ह.भ.प. नामदेव महाराज शास्त्री, भगवानगड यांचे कल्याचे कीर्तन होणार आहेत.
वै.वामनभाऊ यांची जन्मभूमी बोरगाव चकला येथे आयोजित कार्यक्रमास भाविकांनी मोठी गर्दी केली आहे. गुरूवारी होणार्या काल्याच्या कीर्तनाचा आणि महाप्रसादाचा भाविकांनी लाभ घेण्याचे आवाहन समस्त ग्रामस्थ बोरगाव (चकला) आणि युवा तरूण मित्र मंडळाच्या वतीने करण्यात आले आहे.