केंद्रीय अर्थमंत्री निर्मला सीतारामन यांनी पत्रकार परिषदेत याची माहिती दिली. यापूर्वी ३० नोव्हेंबरपर्यंत आयकर भरण्याची अंतिम तारीख दिली होती. करोना व लॉकडाउनमुळे आर्थिक समस्यांना तोंड देत असलेल्या नागरिकांना केंद्र सरकारनं मोठा दिलासा दिला आहे. केंद्र सरकारनं २०१९-२० वर्षातील वैयक्तिक आयकर भरण्यासाठीचा कालावधी वाढवण्याचा निर्णय घेतला आहे.
हे वाचा : देवेंद्र फडणवीस यांना कोरोनाची लागण
देशावर ओढवलेल्या करोनाच्या संकटामुळे आर्थिक वेळापत्रकही कोलमडलं आहे. आयकर भरण्यासाठी अखेरची तारीख ३१ जुलै होती. मात्र, १३ मे रोजी केंद्रीय अर्थमंत्री निर्मला सीतारामन यांनी हा कालावधी ३० नोव्हेंबरपर्यंत वाढवण्यात आल्याची घोषणा केली होती. त्यानंतर पुन्हा एकदा केंद्र सरकारनं आयकर भरण्यासाठी मुदत वाढ दिली आहे.
सीतारामन यांनी आज घेतलेल्या पत्रकार परिषदेत कर्जाच्या व्याजावरील व्याज माफ करण्याच्या निर्णयाची माहिती देतानाच आयकर भरण्यासाठीची मुदत वाढवण्यात आल्याची माहिती दिली. ३१ डिसेंबरपर्यंत ही आयकर भरण्यासाठीची अंतिम तारीख असून, नागरिकांना केंद्राच्या निर्णयामुळे दिलासा मिळाला आहे.