पठाणकोट: पंजाबच्या पठाणकोट (punjab pathankot) जिल्ह्यात दरोडेखोरांच्या हल्ल्यात क्रिकेटपटू सुरेश रैनाच्या 58 वर्षीय काकांची हत्या (murder) झाली आहे. त्यामुळे भारतीय संघाचा माजी क्रिकेटपटू आणि चेन्नई सुपरकिंग्जचा स्फोटक खेळाडू सुरेश रैना (suresh raina)आयपीएल सोडून भारतात परतला आहे. पोलिसांच्या माहितीनुसार ही घटना पंजाबच्या पठाणकोटमधील थारियाल गावात घडली. दरोडेखोरांच्या हल्ल्यात त्याच्या कुटुंबातील चार जण जखमी झाले आहेत. तर या हल्ल्यात सुरेश रैनाचे काका अशोक कुमार (ashok kumar) यांचा मृत्यू झाला आहे.याबाबत अशोक कुमार यांचे ज्येष्ठ बंधू श्याम लाल यांनी ते रैनाचे काका असल्याची पुष्टी केली आहे. सुरेश रैना लवकरच याठिकाणी भेट देण्यास येणार असल्याचेही त्यांनी सांगितले आहे.
हे वाचा : तुझ्या हेलिकॉप्टर शॉटची कमी जाणवेल माही-अमित शहां
पोलिसांच्या माहितीनुसार, कुख्यात ‘काळे कच्छेवाला’ टोळीतील तीन ते चार जण घर लुटण्याच्या हेतूने आले होते. पठाणकोटच्या माधोपूरजवळील थारियाल गावात ते अशोक कुमार यांच्या घरात घुसले आणि त्यांच्या कुटुंबातील सदस्यांवर हल्ला केला. पठाणकोटचे वरिष्ठ पोलिस अधीक्षक गुलनीतसिंग खुराणा (gulnitsing khurana) यांनी सांगितलं की, हल्ल्याच्या वेळी सर्व जण आपल्या घराच्या गच्चीवर झोपले होते. अशोक कुमार यांच्या डोक्याला दुखापत झाली आणि त्याच रात्री त्यांचा मृत्यू झाला, अशी माहिती त्यांनी दिली. या हल्ल्यात त्यांची आई सत्या देवी, त्यांची पत्नी आशा देवी, मुले अपिन आणि कुशल हे जखमी झाल्याची माहिती आहे.
हे वाचा : भाजपने रचला ‘हा’ डाव; राऊतांनी केली पोलखोल