शिव वडापाव आणि शिवथाळीच्या घवघवीत यशानंतर आता शिव दवाखाने येत आहेत. मात्र इथं डाॅक्टरांच्या ऐवजी कंपाउंडर असतील, अशा शब्दात भाजप आमदार अतुल भातखळकर यांनी राऊतांच्या वक्तव्यावर सडकून टीका केली आहे.
एका मुलाखतीत शिवसेनेचे खासदार संजय राऊत यांच्या डॉक्टरपेक्षा कंपाउंडरला जास्त कळतं या वक्तव्यानं राज्यात चांगलाच वादंग पेटला. इंडियन मेडिकल असोसिएशनच्या महाराष्ट्र शाखेनं राऊतांनी समस्त डाॅक्टरवर्गाची माफी मागावी असा इशारा दिल्यावर राऊतांनी युटर्न घेतला. मात्र राऊतांच्या या वक्तव्याचा भाजप नेत्यांकडून अद्याप खरपूस समाचार घेण्यात येत आहे.