बीड दि.28 (प्रतिनिधी): शहरातील जिल्हा परिषदेच्या इंदिरानगर शाळेत भारतीय प्रजासत्ताक दिनाच्या निमित्ताने ध्वजारोहण झालेच नसल्याचा प्रकार घडला आहे. याबाबतीत बीड पंचायत समितीचे गटशिक्षणाधिकारी समंदर खान यांनी नोटीस देऊन खुलासा मागविण्यात आला आहे. यासंदर्भात माहिती अशी की, बीड जिल्हा परिषदेच्या धोंडीपुरा केंद्रातील इंदिरानगर शाळा एका फ्लॅटमध्ये आहे. या शाळेत पहिली ते पाचवी वर्ग असून 28 विद्यार्थी संख्या आहे. सदर शाळेची पटसंख्या 28 दाखवण्यात आली असली तरी प्रत्यक्षात विद्यार्थी शाळेत येत नाहीत. सदर शाळेतील शिक्षक विद्यार्थी उपस्थित का ठेवत नाहीत? असा प्रश्न उपस्थित करण्यात आला आहे. दरम्यान सदर शाळेला बीड पंचायत समितीचे गटशिक्षणाधिकारी खान यांनी भेट दिली. शाळेची विद्यार्थी उपस्थिती आणि शाळेच्या तक्रारीबाबत खुलासा मागविण्यात आला आहे. याबाबत गट शिक्षणाधिकारी यांनी जिल्हा परिषदेला वस्तुनिष्ठ अहवाल द्यावा अशी मागणी करण्यात आली आहे.