महाराष्ट्र राज्य जिल्हा आरोग्य अधिकारी संघटनेच्या राज्य उपाध्यक्षपदी डॉ.सचिन शेकडे
बीड दि.20 (प्रतिनिधी):
महाराष्ट्र राज्य जिल्हा परिषद आरोग्य संघटनेच्या राज्य उपाध्यक्षपदी बीड जिल्हा परिषदेतील जिल्हा माता व बाल संगोपन अधिकारी डॉ. सचिन शेकडे यांची बिनविरोध नियुक्ती करण्यात आली आहे. डॉ. सचिन शेकडे यांनी जिल्हा आरोग्य अधिकारी या पदासह विविध पदावर उल्लेखनीय आणि स्तुत्य काम केले आहे. संसर्गजन्य रोग नियंत्रण व प्रतिबंध प्रतिबंधक उपाययोजना, राष्ट्रीय आरोग्य अभियानाची प्रभावी अंमलबजावणी, प्रशासकीय समन्वय, कर्मचारी कल्याण, शहरी आणि ग्रामीण रुग्ण सेवा सुधारणा, या क्षेत्रात उल्लेखनीय आणि परिणामकारक काम केले आहे.
डॉ. शेकडे यांच्या निवडीचे राज्यभरात सर्वत्र स्वागत करण्यात येत आहे. सार्वजनिक आरोग्य प्रणाली मजबूत करण्यासाठी आणि सर्व आरोग्य अधिकाऱ्यांच्या विविध प्रश्नांना सक्षम नेतृत्व देण्यासाठी त्यांची निवड सार्थ ठरणार आहे. शेकडे यांचे निवडीची घोषणा होतात जिल्ह्यात सर्व स्तरातून आनंद व्यक्त करण्यात येत असून त्यांचे सर्वत्र कौतुक होत आहे.
या निवडीनंतर बीड जिल्हा परिषदेचे मुख्य कार्यकारी अधिकारी जितीन रहमान, जिल्हा आरोग्य अधिकारी डॉ.उल्हास गंडाळ, सहाय्यक जिल्हा आरोग्य अधिकारी रौफ, विभागीय अध्यक्ष बागलाने, जिल्हा कर्मचारी संघटनेचे अध्यक्ष कालिदास सानप यांच्यासह अधिकारी कर्मचाऱ्यांनी यांनी त्याचा सत्कार केला.
डॉ. शेकडे यांच्या नियुक्तीमुळे आरोग्य अधिकारी संघटना अधिक बळकट आणि सक्षम होईल अशी अपेक्षा सर्व स्तरातून व्यक्त करण्यात आली आहे.