🚨 गेवराईत निवडणुकीचा ‘राडा’ : पोलीस अधीक्षकांचा तातडीने गेवराई दौरा; गोंधळ घालणाऱ्यांना थेट इशारा!

आज बीड जिल्ह्यातील गेवराईसह सहा नगरपालिकांसाठी मतदान प्रक्रिया पार पडत असताना, गेवराई शहरात मोठी राजकीय दंगल झाली! पवार आणि पंडित या दोन गटांचे कार्यकर्ते मतदान प्रक्रियेदरम्यान थेट एकमेकांना भिडले. या संघर्षात नुसते कार्यकर्तेच नाही, तर माजी आमदार लक्ष्मण पवार, माजी सभापती युध्दजित पंडित, तसेच जयसिंह पंडित आणि पृथ्वीराज पंडित यांसारखे जिल्ह्यातील महत्त्वाचे नेते समोरासमोर उभे राहिले. या हिंसक चकमकीत जमावाने एका चारचाकी वाहनाची मोठी तोडफोड केली. या घटनेमुळे गेवराईतील वातावरण प्रचंड तणावपूर्ण बनले असून, शहरात तणावपूर्ण शांतता आहे.
प

ोलीस अधीक्षकांची ‘दणकेबाज’ कारवाईची तयारी! तक्रार न मिळाल्यास पोलिसांकडून ‘स्वयं-स्फूर्तीने’ गुन्हा दाखल!
गेवराईतील गंभीर परिस्थिती पाहता जिल्ह्याचे पोलीस अधीक्षक नवनीत काँवत हे तातडीने शहरात दाखल झाले आहेत. त्यांनी कायदा व सुव्यवस्था राखण्यासाठी मोठा पोलीस फौजफाटा तैनात केला आहे. या हिंसक प्रकारावर कडक भूमिका घेताना पोलीस अधीक्षक काँवत यांनी माध्यमांशी बोलताना धमकीवजा इशारा दिला आहे. त्यांनी स्पष्ट केले की, या गोंधळात सहभागी झालेल्यांविरोधात जर कोणीही तक्रार दाखल केली नाही, तर पोलीस प्रशासन स्वतःहून (Suo Motu) या प्रकरणी गुन्हा दाखल करणार आहे! त्यामुळे आता निवडणुकीच्या नावाखाली मोठी दंगल करणाऱ्यांवर आणि कायदा हातात घेणाऱ्यांवर नेमका कोणावर गुन्हा दाखल होतो, याकडे संपूर्ण राजकीय वर्तुळाचे लक्ष लागले आहे.