बीडमधील भाईगिरीचं फॅड! शाळकरी मुलांच्या टोळक्याकडून विद्यार्थ्याला बेदम मारहाण; व्हिडीओ व्हायरल


बीड : बीड जिल्ह्यामध्ये मारहाणीच्या घटना वारंवार घडत असून, आता शालेय विद्यार्थ्यांच्या ‘भाईगिरी’चे एक धक्कादायक कृत्य समोर आले आहे. शिरूर तालुक्यातील रायमोह येथे अपंग मतिमंद विद्यालयाच्या गेटबाहेरच एका विद्यार्थ्याला विद्यार्थी असलेल्या ५ ते ६ जणांच्या टोळक्याकडून बेदम मारहाण करण्यात आली.
नेमकी घटना काय?

Watch video


रायमोह येथील अपंग मतिमंद विद्यालयाच्या गेटबाहेर ही घटना घडली आहे. मिसरूड न फुटलेल्या टिचभर वयाच्या मुलांच्या टोळक्याने एका विद्यार्थ्याला घेरले आणि त्याला क्रूरपणे मारहाण केली. हा विद्यार्थी जीवाच्या आकांताने किंचाळत (गुरासारखा हंबरडा फोडत) होता, तरीही मारहाण करणाऱ्यांनी त्याला सोडले नाही.
* स्थळ: रायमोह, शिरूर तालुका (अपंग मतिमंद विद्यालयाच्या गेटबाहेर)
* मारहाण करणारे: ५ ते ६ शालेय विद्यार्थ्यांचे टोळके.
* वेळ: ही घटना दोन दिवसांपूर्वीची असून, मारहाणीचे कारण अद्याप अस्पष्ट आहे.

https://x.com/KhaneAnkita/status/1993551281378713934?s=20


व्हिडिओ सोशल मीडियावर व्हायरल
विद्यार्थ्याला मारहाण केल्याचा हा व्हिडिओ सोशल मीडियावर मोठ्या प्रमाणावर व्हायरल होत आहे. त्यामुळे जिल्ह्यातील कायदा व सुव्यवस्थेवर पुन्हा एकदा गंभीर प्रश्नचिन्ह निर्माण झाले आहे.
पोलीस प्रशासनावर प्रश्नचिन्ह; गुन्हा दाखल नाही
सर्वात गंभीर बाब म्हणजे, ही घटना दोन दिवसांपूर्वी घडली असून, मारहाणीचे कारण अस्पष्ट असले तरी, या प्रकरणी अद्यापपर्यंत पोलीस ठाण्यात कोणताही गुन्हा दाखल झालेला नाही.
सतत होणाऱ्या या मारहाणीच्या घटनांमुळे पालक वर्गामध्ये प्रचंड भीतीचे वातावरण पसरले आहे. अनेक पालकांनी या संपूर्ण प्रकरणाची चौकशी करून दोषींवर कठोर कारवाई करण्याची मागणी केली आहे. जिल्ह्यात ‘भाईगिरी’च्या वाढत्या फॅडवर पोलिसांकडून कधी आणि कोणती ठोस कारवाई केली जाते, हे पाहणे महत्त्वाचे ठरणार आहे.

error: Content is protected !!