बीड, दि. २० (प्रतिनिधी):-
प्रा. सुशीलाताई मोराळे यांनी येथील स्थानिक राजकारणाला कंटाळून राष्ट्रवादी काँग्रेस शरदचंद्र पवार पक्षाचा प्राथमिक सदस्यत्वाचा व महासचिव पदाचा राजीनामा दिल्याची माहिती प्रसिद्धीपत्रकाद्वारे दिली आहे.
प्रसिद्धीपत्रकात त्यांनी म्हटले आहे की, दिनांक २० नोव्हेंबर २०२५ रोजी राष्ट्रवादी काँग्रेस शरदचंद्र पवार पक्षाचा मी प्राथमिक सदस्यत्वाचा आणि महासचिव पदाचा राजीनामा देत आहे. पक्षश्रेष्ठींकडे हा राजीनामा मी पाठवला आहे. माझा राजीनामा मंजूर करून पदमुक्त करावे अशी विनंती त्यांनी माननीय अध्यक्ष शशिकांत शिंदे यांना केली आहे.
नगरपरिषद बीडच्या निवडणूकित वॉर्ड क्रमांक ११ मधून राजेंद्र सानप यांच्या पत्नी सौ. मीना सानप यांना मी शिफारस करूनही उमेदवारी नाकारली गेली. राजेंद्र सानप हे २४ वर्षांपासून पक्षाचे सक्रिय कार्यकर्ते आहेत. मी जिल्हाध्यक्षपदाकडे मीनाताई सानप यांना महिला ओबीसी प्रवर्गातून उमेदवारी द्या असा आग्रह केला परंतु त्यांची उमेदवारी पक्षाने नाकारली. एकंदर पक्षात चालू असलेल्या गटबाजी आणि माझ्याशी होत असलेल्या कुचंबणेमुळे मी पक्ष सोडत आहे. गेली ४० वर्ष मी समाजवादी राजकारणातली मी कार्यकर्ती आहे. जनता पार्टी आणि जनता दल परिवारात वाढलेली आहे. अशी कुचंबणा मी सहन करू शकत नाही म्हणूनच मी राजीनामा दिला आहे.
पक्षात काम करताना होत असलेली कुचंबणा व गटबाजी तसेच लोकसभेला उमेदवारी नाकारली, विधानसभेला उमेदवारी नाकारली. या सगळ्यामुळे हा निर्णय घेतला आहे.