राज्यात गेल्या काही महिन्यांपासून बीड जिल्हा चर्चेत असून संतोष देशमुख हत्याप्रकरणानंतर जिल्ह्यात पोलिस आणि प्रशासनात बदल करण्यात आले. बीडच्या एसपी पदावर नवनीत कावत यांची नियुक्ती झाली, तर शहरातील पोलीस दलातही काही बदल करण्यात आले.
आता बीडचे जिल्हाधिकारी अविनाश पाठक यांची बदली करण्यात आली आहे. यापूर्वी दीप मुधोळ जिल्हाधिकारी होत्या, परंतु लोकसभा निवडणुकीनंतर त्यांची बदली झाली होती. आता विवेक जॉन्सन यांच्यावर बीडची जबाबदारी सोपवण्यात आली आहे.
५ आयएएस अधिकाऱ्यांच्या बदल्या:
1. **अभिषेक कृष्णा (आयएएस: आरआर: २००६)** – महानगरपालिका प्रशासन, मुंबई येथे संचालक म्हणून नियुक्त
2. **अविनाश पाठक (आयएएस: एससीएस: २०१३)** – मत्स्यव्यवसाय विकास महामंडळ, मुंबई येथे व्यवस्थापकीय संचालक
3. **विवेक जॉन्सन (आयएएस: आरआर: २०१८)** – बीड जिल्हाधिकारी
4. **शुभम गुप्ता (आयएएस: आरआर: २०१९)** – पश्चिम महाराष्ट्र विकास महामंडळ, पुणे येथे व्यवस्थापकीय संचालक
5. **पुलकित सिंग (आयएएस: आरआर: २०२१)** – झेड.पी., चंद्रपूर येथे मुख्य कार्यकारी अधिकारी
या बदलांमुळे प्रशासकीय आणि पोलिस व्यवस्थापनाच्या कार्यप्रणालीत काय परिणाम होणार, याकडे नागरिकांचे लक्ष लागले आहे.