बीड:
पाच महिन्यांपूर्वी बीड नियंत्रण कक्षातून सायबर विभागात आलेल्या पोलीस उपनिरीक्षक रणजित कसले यांना सेवेतून निलंबित करण्यात आले आहे. बीड पोलीस अधिक्षक नवनीत कॉवत यांनी निलंबनाचे आदेश काढले आहेत.
रणजित कासले सायबर विभागातील एका प्रकरणाच्या तपासासाठी बाहेर राज्यात गेले होते. यावेळी त्यांनी संबंधित प्रकरणात पैशांची तडजोड केल्याचा थेट व्हिडीओच बाहेर आला. हे प्रकरण बीड जिल्हापुरते मर्यादित न राहता थेट राज्याच्या कायदा आणि सुव्यवस्था प्रमुखांकडे गेले होते. अखेर तपासाअंती रणजित कासले दोषी आढळल्यामुळे त्यांचे निलंबन करण्यात आल्याची माहिती आहे. दरम्यान, बीड पोलीस अधिक्षक यांनी चुकीचे काम करणाऱ्या आणखी एका अधिकाऱ्याला दणका दिल्यामुळे खाकीतच खळबळ उडाली आहे.