देवेंद्र फडणवीस (Devendra Fadnavis) पुन्हा एकदा (Chief Minister) मुख्यमंत्री बनले. खरी शिवसेना आणि खऱ्या राष्ट्रवादीचाही मोठा विजय झाला. महाराष्ट्राच्या राजकारणात 1978 पासून शरद पवार (Sharad Pawar) यांनी (political betrayal) दगा-फटक्याचे राजकारण सुरु केले. त्याला 20 फूट जमिनीत गाढण्याचे काम तुम्ही केले. उद्धव ठाकरे (Uddhav Thackeray) यांनी 2019 साली आपल्या सोबत द्रोह केला, त्यांना आपण त्यांची जागा दाखवून दिली, अशी टीका केंद्रीय गृहमंत्री अमित शाह (Amit Shah) यांनी केली. शिर्डी येथे आयोजित भाजपच्या महाअधिवेशनात (BJP Maha Adhiveshan) ते बोलत होते.
अमित शाह म्हणाले की, देवेंद्र फडणवीस पुन्हा एकदा (Chief Minister) मुख्यमंत्री बनले. इतक्या मोठ्या संख्येने आपले कार्यकर्ते आमदार झाले, मंत्री झाले. खरी शिवसेना आणि खऱ्या राष्ट्रवादीचाही मोठा विजय मिळाला. महाराष्ट्राच्या राजकारणात 1978 पासून शरद पवार यांनी (political betrayal) दगा-फटक्याचे राजकारण सुरु केले. त्याला 20 फूट जमिनीत गाढण्याचे काम तुम्ही केले आहे. उद्धव ठाकरे यांनी 2019 साली आपल्या सोबत द्रोह केला, बाळासाहेब ठाकरेंच्या सिद्धांतांना सोडले. त्या उद्धव ठाकरेंना आपण त्यांची जागा दाखवली. 1978 पासून 2024 पर्यंत महाराष्ट्रात अस्थिरता दिसून आली. त्या अस्थिरतेच्या राजकारणाला संपवून तुम्ही देवेंद्र फडणवीस यांचे स्थिर सरकार निवडून देण्याचे काम केले, असा हल्लाबोल त्यांनी यावेळी केला.
ते पुढे म्हणाले की, लोकसभा निवडणुकीनंतर आमचे सरकार बनेल, असं ते स्वप्न पाहत होते, त्यांचे स्वप्न भंग करण्याचे काम तुम्ही केले. सिद्धांताचे राजकारण करण्याचे काम तुम्ही केले. परिवार वादाला तुम्ही फटकारले. लाडकी बहीण आणि शेतकऱ्यांना मी धन्यवाद देतो. शरद पवार पत्रकारांना शिकवत होते. आता मी शरद पवार यांना शिकवतो. कुठे किती जागा जिंकल्या? तिकीट वाटपात काही नाराज झाले, मात्र तरीही कमळ आणि महायुतीला मदत केली. अजित पवार आणि एकनाथ शिंदे यांचा पक्ष खरा असल्याचे तुम्ही दाखवून दिले.