परभणीतील संविधान शिल्प विटंबना प्रकरणातील आरोपी मनोरुग्ण असल्याचे स्पष्ट
परभणीतील संविधान शिल्प विटंबना प्रकरणातील आरोपी हा मनोरुग्ण असल्याचे समोर आले आहे. आता या आरोपीला स्किझोफ्रेनिया (schizophrenia) हा मानसिक आजार असल्याची माहिती मिळाली आहे. यासोबतच त्याला अल्कोहोलिक डिसऑर्डर (alcoholic disorder) हा आजारही झाल्याचे समोर आले आहे. त्याच्यावर अकोल्यातील केळकर हॉस्पिटल (Kelkar Hospital) या मानसोपचार रुग्णालयात उपचार सुरू आहेत.
तो सप्टेंबर आणि नोव्हेंबर या दोन महिन्यांत केळकर हॉस्पिटलच्या व्यसनमुक्ती केंद्रात (de-addiction center) भरती होता. या मनोरुग्ण आरोपीने परभणीत संविधान शिल्पाची विटंबना केल्यानंतर राज्यभरात आंदोलन पेटले होते. दरम्यान, आता त्याला असलेल्या आजारांबद्दल केळकर हॉस्पिटलच्या डॉक्टर राधिका केळकर यांनी माहिती दिली आहे.