शिक्षक समितीच्या पाठपुराव्यामुळे
मोफत पाठ्यपुस्तक योजनेचा निधी मिळाला
बीड दि.16 प्रतिनिधी ः- राज्य शासनाच्या सर्व शिक्षा अभियान अंतर्गत गेल्या तीन वर्षापासून मोफत पाठ्यपुस्तक योजनेच्या तालुकास्तर ते शाळास्तर वाहतुकीचा निधी संघटनेच्या पाठपुराव्यामुळे प्राप्त झाला आहे. बीड तालुक्यासह जिल्ह्यातील मुख्याधापकासह केंद्र प्रमुखांनी झालेला खर्च गटशिक्षणाधिकारी यांच्याकडून प्राप्त करून घ्यावा असे आवाहन महाराष्ट्र राज्य प्राथमिक शिक्षक समिती व केंद्रप्रमुख संघटनेच्या वतीने करण्यात आले आहे.
या संदर्भात म्हटले आहे की गेल्या तीन वर्षापासून शासनाच्या वतीने पुरविण्यात येत असलेल्या मोफत पाठ्यपुस्तक योजनेतील तालुकास्तर ते शाळास्तर वाहतुकीचा निधी मिळाला नव्हता. या बाबत मुख्यकार्यकारी अधिकारी जिल्हा परिरूद बीड, संचालक महाराष्ट्र राज्य प्राथमिक शिक्षण संचालनालय पुणे व पालकमंत्री बीड यांच्याकडे निवेदनाद्वारे मागणी करण्यात आली होती. या संदर्भात संघटनेने राज्यस्तरावर पाठपुरावा केल्यामुळे दोन वर्षापूर्वीचा निधी यावर्षी जिल्ह्याला मिळाला. बीड तालुक्यासाठी सन 2019-20 या वर्षासाठी रूपये 1,29984 व सन 2020-21 या वर्षासाठी 1,29984 असा एकून 2,59968 रूपये ऐवढी रक्कम मिळाली आहे. तालुक्यातील मुख्याधापक व केंद्रप्रमुख यांनी गटशिक्षणाधिकारी यांच्याशी संपर्क करून झालेल्या खर्चाचा निधी प्राप्त करून घ्यावा असे आवाहन शिक्षक समिती व केंद्रप्रमुख संघटनेच्या वतीने करण्यात आले आहे.