डॉक्टर कडून छापा न टाकण्यासाठी तब्बल दहा लाखाची लाच घेताना प्राप्तिकर विभागाचा निरीक्षक आज लाच लुचपत प्रतिबंधक विभागाच्या जाळ्यात अडकला.प्रताप महादेव चव्हाण (वय ३४) रा. राजारामपुरी कोल्हापूर असे या निरीक्षकाचे नाव आहे. आज दुपारी लक्ष्मीपुरी परिसरातील विल्सन फुलावर चव्हाणला दहा लाख रुपये घेताना पकडले.
हे वाचा : ममता बॅनर्जी यांची डोकेदुखी वाढली
शहरातील डॉक्टर विरोधात अज्ञात व्यक्तीने प्राप्तिकर विभागाकडे तक्रार अर्ज दिला होता. या अर्जाच्या अनुषंगाने प्राप्तीकर विभागाकडून संबंधित डॉक्टरांची चौकशी सुरू होती. या चौकशी दरम्यान घरावर छापा टाकण्याचा इशारा निरीक्षक चव्हाण यांनी दिला होता. हा छापा टाका यासाठी डॉक्टरने चव्हाण यांना विनंती केल्यानंतर यासाठी सुरुवातीला चव्हाण यांनी 25 लाख रुपयाची लाच मागणी केली. शेवटी हा व्यवहार 14 लाख रुपये असा ठरला.
हे वाचा : हे घडले नसते तर आज सलमान खान असता या अभिनेत्रीचा पती
काल मध्यरात्रीपासून ही तडजोड सुरू होती. त्याच दरम्यान संबंधित डॉक्टरांनी लाचलुचपत प्रतिबंधक विभागाला संपर्क साधून तक्रार दिली. ठरलेल्या रकमेपैकी दहा लाख रुपये आज देण्याचे ठरले होते. ही रक्कम घेताना चव्हाण याला लातूर विभागाने अटक केली. कारवाईच्या भीतीने इतरांच्या पोटात गोळा आणणाऱ्या प्राप्तिकर विभागातील निरीक्षकाला लाच स्वीकारताना पकडल्याने एकच खळबळ उडाली आहे.