परळी – तू दोन महिने झाले नांदायला का येत नाहीस असे म्हणत संतापलेल्या पतीने हात मोडला असल्यामुळे माहेरी जाऊन राहिलेल्या पत्नीस कत्तीच्या सहाय्याने तिच्या मानेवर सपासप वार केले या घटनेत महिलेचा तात्काळ मृत्यू झाला. तसेच स्वतः औषध पिऊन आत्महत्या करण्याचा प्रयत्न केला असल्याची घटना परळी तालुक्यातील बोधेगाव येथे सोमवारी दुपारी घडली.
दरम्यान, ज्ञानेश्वरी रक्ताच्या थारोळ्यात पडलेली पाहून तिची बहीण कल्पना हिने आरडाओरडा केल्याने आजूबाजूचे नातेवाईक धावत आले यावेळी धनराजने सोबत आणलेल्या बाटलीतील विषारी औषध प्राशन करून आत्महत्येचा प्रयत्न केला. नातेवाईकांनी अत्यवस्थ झालेल्या धनराजला उपचारासाठी अंबाजोगाई येथील स्वरातील स्वराती रुग्णालयात दाखल केले. सध्या त्याच्यावर उपचार सुरू असून त्याची प्रकृती चिंताजनक असल्याची माहिती मिळत आहे.
तालुक्यातील बोधेगाव येथील ज्ञानेश्वरीचा विवाह सहा वर्षांपूर्वी होळ येथील धनराची उर्फ योगीराज वनराज सोनवर याच्यासोबत झाला होता या दोघांना पाच वर्षेची मुलगी व तीन वर्षाचा मुलगा आहे ते पती-पत्नी काही दिवसांपूर्वी औरंगाबाद येथे रोजगारासाठी गेले होते या ठिकाणी पाय घसरून पडल्याने ज्ञानेश्वरी चा हात मोडला काम करता येत नसल्यामुळे ती माहेरी बोधगावला जाऊन राहिली दरम्यान सोमवारी दुपारी तिचा पती सासरवाडीला गेला या ठिकाणी त्यांने पाहुणचार देखील घेतला घरातील मंडळी कामानिमित्त बाहेर गेले असता. तू नांदण्यासाठी का येत नाहीस असा जाब विचारत बायकोला शिवीगाळ सुरु केली. नवरा बायकोचे भांडण विकोपाला गेल्यानंतर रागाने बेभान झालेल्या धनराज तिने तिच्या डोक्यावर गळ्यावर कत्ती च्या सहाय्याने वार केले या हल्ल्यात गंभीर जखमी झालेल्या ज्ञानेश्वरचा जागीच मृत्यू झाला या प्रकरणी ज्ञानेश्वरीची बहीण कल्पना शामराव सोडगीर यांच्या फिर्यादीवरून धनराज सोनवर याच्यावर सिरसाळा पोलीस ठाण्यात गुन्हा दाखल करण्यात आला आहे पुढील तपास सहाय्यक पोलीस निरीक्षक डोंगरे करत आहेत