बीड, कोरोना बाधित अत्यावस्थ झालेल्या कोरोना रूग्णांवर अंबाजोगाईतील स्वाराती रूग्णालयात उपचार सुरू होते मंगळवारी रात्रीपासून अवघ्या १३ तासात सहा कोरोना रूग्णांचा स्वाराती रूग्णालयात उपचार सुरू असताना मृत्यू झाला. यात तीन पुरूष आणि तीन महिला रूग्णांचा समावेश असून ते अंबाजोगाई, परळी आणि केज तालुक्यातील आहेत. वाढत चाललेली ही संख्या रोखण्यास जिल्हा आरोग्य यंत्रणेकडून शर्तीचे प्रयत्न केले जात आहेत कोरोंना बाधित रुग्णाची संख्या दोन हजार पर्यंत गेली आहे तर मृत्यू ची संख्या 55 पेक्षा अधिक झाली आहे
परळीतील शांतीनगर येथील ६८ वर्षीय महिलेस सोमवारी सायंकाळी उपचारासाठी स्वाराती रूग्णालयात दाखल करण्यात आले होते. तिचा मंगळवारी रात्री १० वाजता मृत्यू झाला. अंबाजोगाई तालुक्यातील सोमनवाडी येथील ६० वर्षीय पुरूषाला रविवारी रूग्णालयात दाखल करण्यात आले होते, त्यांचा मंगळवारी रात्री १०.३० वाजता मृत्यू झाला. अंबाजोगाईतील देशपांडे गल्लीतील रूग्णास मंगळवारी रात्री दहा वाजता दाखल केले होते. त्या रूग्णाचा बुधवारी पहाटे १.४० वाजता मृत्यू झाला. स्वाराती रूग्णालय परिसरातील शनिवारी पाॅझिटीव्ह आलेल्या ६१ वर्षीय महिलेचा मंगळवारी रात्री ८.२० वाजता मृत्यू झाला. केजच्या अहिल्यादेवी नगर येथील रविवारी पाॅझिटीव्ह आलेल्या ४६ वर्षीय व्यक्तीचा बुधवारी सकाळी ७ वाजता मृत्यू झाला. अंबाजोगाईतील झारे गल्लीतील मंगळवारी पाॅझिटीव्ह आलेल्या ७० वर्षीय वृद्धाचा बुधवारी सकाळी ९ वाजता मृत्यू झाला.